A nosa proposta “LoboLAB. Pegadas invisibles en Serra do Suído” foi elixida entre 170 proxectos como parte dos 25 laboratorios da “Rede Ibérica de Laboratorios de Cultura Comunitaria e Ruralidades“. Estamos moi agradecidos por formar parte desta marabillosa iniciativa!
A Rede Ibérica de Laboratorios de Cultura Comunitaria () é unha experiencia piloto que en 2026 impulsa máis de 30 laboratorios de cultura comunitaria en diferentes localidades de España e Portugal.
Os laboratorios de cultura comunitaria son espazos de encontro nos que experimentar e crear de xeito colaborativo proxectos culturais e iniciativas orientadas a mellorar a vida en común.
A rede busca que cada laboratorio promova novos proxectos de cultura comunitaria e innovación social no seu contexto local, á vez que se fomenta a cooperación a distancia -rexional, estatal e internacional- entre os distintos laboratorios.
A RILCC está impulsado polas seguintes entidades: A Ortiga Colectiva, A Ponte Ecomuseo, O Cinorrio, GRIGRI e o Programa de Extensión Universitaria da Universitat Jaume I, de España; e a Universidade de Aveiro, a Rede de Bibliotecas de Lisboa, A-GRUPA e Planeta Alecrim Associação, de Portugal.
A RILCC apóiase na experiencia previa na organización de laboratorios cidadáns das entidades impulsoras e en especial da Rede de laboratorios cidadáns de Castelló promovida polo Programa de Extensión Universitaria da Universidade Jaume I. Conta coas axudas do Ministerio de Cultura destinadas a proxectos culturais con especial impacto social e para proxectos de cooperación cultural no medio rural.
